Gwella eich rhagolygon, gwella eich Mathemateg a Saesneg
Mae 91Ï㽶ÊÓƵ yn cymryd datblygiad Mathemateg a Saesneg o ddifrif. Rydym yn cydnabod fod Mathemateg a Saesneg da yn asedau hanfodol ym marchnad swyddi heddiw, yn ogystal â bywyd bob dydd.
Mae’r rhan fwyaf o gyflogwyr a phrifysgolion yn chwilio am ymgeiswyr sydd â Graddau A*-C mewn TGAU Mathemateg a Saesneg ac, os nad oes gennych y cymwysterau hyn, mae’n debyg y byddwch yn ddi-waith am fwy o amser. Felly os na wnaethoch gael y graddau sydd eu hangen arnoch mewn TGAU Mathemateg a Saesneg ar gyfer y dyfodol yr ydych yn ei ddymuno, gallwn roi ail gyfle i chi eu gwella ochr yn ochr â’ch cwrs, yn ogystal â’ch helpu i gyflawni’r lefel sy’n ofynnol i:
- Wella eich rhagolygon cyflogaeth
- Ehangu eich cyfleoedd gyrfa
- Ennill mwy o arian yn y dyfodol o bosibl
Fel dysgwr llawn amser yn y Coleg, bydd Mathemateg a Saesneg yn rhan o’ch rhaglen ddysgu, byddwn yn eich cefnogi i ennill y cymwysterau Mathemateg a Saesneg sydd eu hangen ar gyfer datblygiad eich cwrs, cyflogwyr a’r brifysgol. Os na lwyddoch i ennill gradd C, neu uwch, mewn Mathemateg a Saesneg Iaith ar lefel TGAU, byddwch yn parhau i astudio’r pynciau hyn yn y Coleg. Yn dibynnu ar eich cyrhaeddiad, bydd hyn naill ai’n ail-sefyll arholiadau TGAU, neu astudio Sgiliau Hanfodol. Os byddwch chi’n ennill gradd C, neu uwch yn y pynciau hyn, byddwch yn parhau i ddatblygu’r sgiliau hanfodol hyn yn eich prif raglen neu drwy’r Dystysgrif Her Sgiliau.
Dyma pam fod Mathemateg a Saesneg mor bwysig
| Mathemateg | Saesneg | |
|---|---|---|
| Cyfrifeg a Busnes | I wneud yn siŵr nad ydych yn gwario mwy na’ch cyllideb | I gyfathrebu’n effeithiol â staff a thrafod gyda chleientiaid |
| Celf a Dylunio, y Cyfryngau, Ffotograffiaeth | I fesur ffabrigau ym maes dylunio ffasiwn i sicrhau bod dillad yn ffitio | I gyflwyno eich gwaith yn llwyddiannus i gleientiaid |
| Moduro | Darparu amcangyfrifon cost cywir ar gyfer atgyweiriadau neu wasanaethau cynnal a chadw | Cyfathrebu â chwsmeriaid i esbonio materion technegol ac opsiynau atgyweirio |
| Arlwyo a Lletygarwch | I gyfrifo cynhwysion rysáit a gweithio allan pa mor hir y mae angen i chi ei goginio | I ddarparu gwasanaeth cwsmer rhagorol a chael archebion yn gywir |
| Cyfrifiadura a Thechnoleg Ddigidol | Rhoi fformiwlâu mewn taenlenni | Cofnodi data pwysig yn gywir |
| Adeiladu | Defnyddio ffracsiynau i roi cymalau yn eu lle gyda’r un pellter rhyngddynt ar hyd wal stydiau | I ddarparu dyfynbrisiau cywir a phroffesiynol i ddarpar gleientiaid |
| Peirianneg | Mesur deunyddiau ac onglau i sicrhau bod dyluniadau yn cael eu gwneud yn gywir | Deall rheoliadau iechyd a diogelwch i wneud yn siŵr bod mannau gweithio yn ddiogel |
| Trin Gwallt a Therapi Harddwch | Gweithio allan y cymarebau cywir ar gyfer lliwio gwallt neu arlliwio aeliau | Cyfathrebu â chleientiaid a threfnu apwyntiadau |
| Iechyd, Gofal a’r Blynyddoedd Cynnar | Gwneud yn siŵr eich bod yn sicrhau’r gymhareb gywir ar gyfer y nifer o blant neu gleifion i ofalwyr, gan helpu pawb i gadw’n ddiogel | Rheoli cofnodion cleifion neu gleientiaid |
| Astudiaethau Tir, Gofal Anifeiliaid a Cheffylau | Sicrhau nad ydych yn tanfwydo neu’n gorfwydo anifeiliaid | Deall gwybodaeth am driniaethau i anifeiliaid |
| Cerddoriaeth, Drama a Dawns | I gyfrifo amseroedd llwyfan | Dysgu sgriptiau ar gyfer clyweliadau |
| Gwasanaethau Cyhoeddus | Cyfrifo cyflymder cerbydau sy’n rhan o ddamweiniau trwy ddefnyddio marciau sgidio, pellteroedd a mesuriadau eraill | Llunio adroddiadau gan roi manylion am ddigwyddiadau ac ymchwiliadau |
| Science | I ddadansoddi data yn gywir | I gadw cofnodion cywir o brosiectau ac i ysgrifennu adroddiadau |
| Chwaraeon, Ffitrwydd a Hamdden | Cyfrifo sgoriau a faint o bwyntiau sydd eu hangen arnoch i ennill | Cyfathrebu ag aelodau tîm a chytuno ar dactegau |
| Teithio a Thwristiaeth | Cyfrifo cyfraddau cyfenwid arian i daro’r fargen orau | CYmchwilio i gyrchfannau i roi cyngor i gleientiaid |
Mae Mathemateg a Saesneg yn sail i gymaint o yrfaoedd gwahanol, felly p’un a ydych eisiau dod yn athro, newyddiadurwr, seicolegydd, neu hyd yn oed yn wyddonydd fforensig, mae llwyddo mewn Mathemateg a Saesneg yn hanfodol i chi achub y blaen. Mae nifer o gyflogwyr, gan gynnwys Prifysgol De Cymru, yn disgwyl i ymgeiswyr nad ydynt wedi astudio hyd at lefel gradd, gael Gradd C neu uwch yn eu TGAU.
Mae’r rhan fwyaf o brifysgolion yn gofyn am Radd C mewn TGAU Mathemateg a Saesneg, ac weithiau uwch ar gyfer cwrs penodol. Felly, bydd llwyddo yn y cymwysterau hyn yn eich galluogi i gael mynediad at ystod eang o gyrsiau prifysgol.
Efallai eich bod yn gweld Mathemateg a Saesneg yn heriol, neu efallai nad ydynt ymhlith eich hoff bynciau, ond maent mor bwysig o hyd i’ch dyfodol, felly daliwch ati! Gofynnwch am gymorth a pheidiwch â’i cholli hi oherwydd bydd y pynciau yn agor drysau i chi ar gyfer astudio a gyrfa yn y dyfodol.
Mae astudio Mathemateg a Saesneg yn rhoi ystod o sgiliau trosglwyddadwy i chi, megis sgiliau cyfathrebu a datrys problemau, sy’n ofynnol, nid yn unig yn y dosbarth neu’r gweithle, ond hefyd mewn nifer o agweddau eraill ar fywyd bob dydd. Â Mae cael sylfaen gadarn mewn Saesneg a Mathemateg yn agor y drysau i ystod o gyfleoedd gyrfa.
Ni waeth pa lwybr fyddwch yn ei ddewis – Prentisiaeth, cyflogaeth neu addysg bellach/uwch – mae gallu arddangos sgiliau Saesneg a Mathemateg gyda chymhwyster cydnabyddedig yn hynod bwysig ac yn eich helpu i fynd ymlaen mewn bywyd.
Mae Mathemateg a Saesneg yn hanfodol i’ch cael chi drwy fywyd, p’un a yw’n golygu ysgrifennu e-bost neu neges destun, neu reoli arian i gynnal cartref neu gyllideb yn y gwaith – rydym yn defnyddio’r arfau hanfodol hyn heb sylweddoli.
Efallai fod rhaid i chi astudio’n galed iawn i gyflawni’r graddau C hollbwysig hyn mewn Mathemateg a Saesneg, ond bydd werth yr holl ymdrech. Unwaith y bydd gennych y cymwysterau hyn, bydd gennych fwy o gyfleoedd yn y dyfodol.
Dw i’n gweld llawer o geisiadau am swyddi ac un peth dw i’n edrych arno yw a oes gan yr ymgeisydd radd TGAU mewn Mathemateg a Saesneg. Dylai pobl ifanc edrych ar addysg fel cyfle a fydd yn sicrhau bod mwy o ddrysau ar agor iddynt.
Byddwch yn cau drws drwy beidio â gwneud TGAU mewn Saesneg neu Fathemateg a bydd adeg yn eich bywyd pan fyddwch yn ymgeisio am swydd ac yn canfod y gall peidio â meddu ar y cymwysterau hyn eich dal yn ôl.
Dw i’n defnyddio Mathemateg a Saesneg bob dydd heb sylweddoli – ar y ffôn ac wrth ddelio â chwsmeriaid ac aelodau o’r cyhoedd. Ni ddylai pobl ifanc danseilio pwysigrwydd y pynciau hyn. Efallai nad ydych yn gweithio mewn amgylchedd swyddfa – efallai eich bod yn fecanydd neu’n trin gwallt – ond mae’r ddau yn gofyn am sgiliau rhyngweithio â phobl a chraffter busnes sy’n dibynnu ar y pynciau pwysig hyn.